எம் முன்னோர்களின் முத்துப் பெட்டகத்திலிருந்து …. 02

salafco ஸலபுகளின் அடிச்சுவடுகள்

بسم الله الرحمن الرحيم

என்றும் நிறைவுறாத இன்பத்தை வாங்க...!

வாழ்வின் ஒவ்வொரு மூச்சும் விலை மதிக்க முடியா முத்தாகும். அதனைக் கொண்டு என்றென்றும் நிறைவுறாத இன்பத்தை வாங்க முடியும்.

-    இமாம் இப்னுல் கையிம்

மறுமையில் அதிகமாக விசாரிக்கப்படுபவர்கள் யாவர்?

மறுமையில் அதிகமாக விசாரிக்கப்படுபவர்கள் சுகதேகியாக இருந்தவர்களும் ஓய்வாக இருந்தவர்களுமாவார்.

-    இமாம் முஆவியா இப்னு குர்ரா

நீங்கள் எப்படி இமாம் ஜமாஆத்துடன் தொழுதுவருகிறீர்கள்?!

ஐம்பது வருடங்களாக எனக்கு முதல் தக்பீர் தவறிவிடவில்லை.

-    இமாம் ஸஈத் இப்னுல் முஸய்யப்

எது உண்மையான ஆச்சரியம்?!

நாசமுற்றவன் எப்படி நாசமுற்றான் என்பதுவல்ல ஆச்சரியம்! தப்பித்துக் கொண்டவன் எப்படித் தப்பித்துக் கொண்டான் என்பதுவே அச்சரியம்!

-    இமாம் இப்னு ரஜப்

நரக நெருப்பை எமது உடல் எப்படித் தாங்கும்?!

எனது உடல் குளிரைத் தாங்காது மற்றும் கடும் சூட்டையும் தாங்காது எவ்வாறு மனிதர்களும் கற்களும் விறகாகும் நெருப்பைத் தாங்கும்?!

-    இமாம் ஷாபி

தொகுப்பு: அபூஉபைதில்லாஹ் சில்மி இப்னு ஷம்சிலாப்தீன்