அல்கவாஇதுல் அர்பஉ தமிழாக்கம் – 02

بِسْــــــمِ اللهِ الرَّحْمَنِ الرَّحِيـــــمِ

முதலாவது கோட்பாடு

நபி ஸல்லல்லாஹு அலைஹி வஸல்லம் அவர்கள் போர் செய்த நிராகரிப்பாளர்கள் நிச்சயமாக அல்லாஹ் தான் படைப்பாளன், நிர்வாகிக்கக்கூடியவன் என்பதை ஏற்றுக்கொண்டிருந்தார்கள் என்பதை நீ அறிந்து கொள்வதாகும். நிச்சயமாக அது அவர்களை இஸ்லாத்தில் நுழைவிக்கவில்லை.

ஆதாரம்: அல்லாஹுத்தஆலா கூறுகின்றான்: வானம் மற்றும் பூமியிலிருந்து உங்களுக்கு உணவளிப்பவன் யார்? செவிப்புலனையும் பார்வைகளையும் உரிமையாக்கிக் கொள்பவன் யார்? உயிரற்றதிலிருந்து உயிருள்ளதை வெளிப்படுத்துபவனும், உயிருள்ளதிலிருந்து உயிரற்றதை வெளிப்படுத்துபவனும் யார்? மேலும், - அகிலத்தின் - காரியத்தை நிர்வகிப்பவர்கள் யாவர்? என்று - நபியே! - நீர் கேட்பீராக! அதற்கவர்கள் அல்லாஹ்தான் என்று கூறுவார்கள். எனவே நீங்கள் அவனை அஞ்சி நடக்க வேண்டாமா? என்று நீர் கேட்பீராக.

-     யூனுஸ்: 31

இரண்டாவது கோட்பாடு

அவர்கள் - காபிர்கள் - நாம் அவைகளை அழைத்ததும் அவைகளின்பால் முன்னோக்கிச் சென்றதும் நெருக்கத்தையும் பரிந்துரையையும் தேடுவதற்காகவே அன்றி வேறில்லை என்று கூறுகின்றார்கள்.

அவர்கள் நெருக்கத்தை தேடுவதற்குரிய ஆதாரம்: அல்லாஹுத்தஆலா கூறுகின்றான்: எவர்கள் அவனையன்றி வேறு பாதுகாவலர்களை எடுத்திக்கொண்டார்களோ அவர்கள், இவர்கள் அல்லாஹ்விடம் எமக்கு மிகவும் நெருக்கத்தை ஏற்படுத்திவைப்பதற்காகவே நாம் இவர்களை வணங்குகின்றோம் - எனக்கூறுகின்றனர். - அவர்கள் எதில் கருத்து வேறுபாடு கொண்டிருந்தார்களோ, அதில் அவர்களுக்கிடையே நிச்சயமாக அல்லாஹ் தீர்ப்பளிப்பான். நிச்சயமாக அல்லாஹ் பொய்யனையும் நிராகரிப்பவனையும் நேர்வழியில் செலுத்தமாட்டான்.

-     அஸ்ஸுமர்: 3

அவர்கள் பரிந்தரை செய்வதற்குரிய ஆதாரம்: அல்லாஹுத்தஆலா கூறுகின்றான்: அவர்கள் அல்லாஹ்வையன்றி அவர்களுக்கு தீங்களிக்காத இன்னும் பயனளிக்காதவற்றை வணங்குகின்றார்கள். இன்னும், இவைகள்தாம் அல்லாஹ்விடத்தில் எங்களுக்கு பரிந்துரை செய்பவர்கள் என்று அவர்கள் கூறுகின்றார்கள்.

-     யூனுஸ்: 18

பரிந்துரை இரண்டு வகையான பரிந்துரையாகும்.

முதலாவது: இல்லாமலாக்கப்பட்ட பரிந்துரை

இரண்டாவது: உறுதியாக்கப்பட்ட பரிந்துரை

இல்லாமாலாக்கப்பட்ட பரிந்துரை என்றால் அல்லாஹ்வைத்தவிர வேறு யாரும் சக்திபெறாத விடயங்களில் அல்லாஹ் அல்லாதவர்களிடம் வேண்டப்படக்கூடிய பரிந்துரையாகும்.

ஆதாரம்: அல்லாஹுத்தஆலா கூறுகின்றான்: விசுவாசிகளே! எவ்விதப் பேரமோ, நட்போ, பரிந்துரையோ இல்லாத ஒரு நாள் வருவதற்கு முன் நாம் உங்களுக்கு வழங்கியவற்றிலிருந்து செலவு செய்யுங்கள். நிராகரிப்பாளர்களே அநியாயக்காரர்கள்.

-     அல்பகறா: 254

உறுதியான பரிந்துரை என்றால் அதுவே அல்லாஹ்விடம் வேண்டப்படக்கூடியதாகும். பரிந்துரை செய்பவர் அப்பரிந்துரையைக்கொண்டு கண்ணியப்படுத்தப்பட்டவராவார். பரிந்துரை செய்யப்பட்டவர் யாரென்றால் அனுமதிக்குப் பின் அல்லாஹ் யாருடைய வார்த்தையையும் செயலையும் பொருத்திக் கொள்கின்றானோ அப்படிப்பட்டவராவார்.

அல்லாஹுத்தஆலா கூறுகின்றான்: அவனுடைய அனுமதியின்றி அவனிடத்தில் யார்தான் பரிந்துரை செய்ய முடியும்?

-     அல்பகறா: 255

இன்ஷா அல்லாஹ் தொடரும்.

-     தமிழில்: அஸ்கி இப்னு ஷம்சிலாப்தீன்