Archive for September 16, 2019

நான் அல்பானீ அவர்களுடன் ஒரு ஜனாஸா தொழுகையை தொழுதேன். அவர் தக்பீரில் தனது இரு கைகளையும் உயர்த்தவில்லை. நான் உயர்த்தினேன். அவருக்கு பக்கத்தில் தான் நானும் இருந்தேன். தொழுகையின் பின்னர் அவரைப் பார்த்து “எமது ஷெய்ஹ் அவர்களே! நானும் உங்களது கருத்தில் தான் இருந்தேன், பின்பு அது விடயத்தில் உங்களுக்கு முரண்பட்டு விட்டேன்” என்று கூறினேன். அதற்கு ஷெய்ஹ் “நல்லது” எனக்கூறினார். நான் எனது கருத்து சார்பாக சில என்னுடைய வாதங்களையும் ஆதாரங்களையும் அவரிடத்தில் முன்வைத்தேன். அவர் ஒழுக்கத்துடனும் மரியாதையுடனும் அதனை ஏற்றுக்கொண்டார்.

அல்மஜ்மூஃ 15/228

அதற்கு அபூஹாஸிம் (ரஹிமஹுல்லாஹ்) அவர்கள் “அது விடயத்தில் உங்களுக்கு என்ன கவலை? விலை குறைந்த நேரத்தில் எமக்கு ரிஸ்க் அளித்த அல்லாஹ் தான் விலை உயர்ந்த நேரத்திலும் ரிஸ்க் அளிப்பான்” என பதிலளித்தார்கள்.

நூல்: ஹில்யதுல் அவ்லியா : 526

அஃமஷ் (ரஹிமஹுல்லாஹ்) கூறுகின்றார்:

நாம் ஜனாஸாவில் கலந்து கொள்ளக்கூடியவர்களாக இருந்தோம். அதிகமானோர் அழுது கொண்டிருந்ததால் யாருக்கு ஆறுதல் கூறவேண்டும் என்பதை நாம் அறியாமல் இருந்தோம். (காரணம்) அவர்கள் அவர்களின் நிலைமையை நினைத்தே அழுதார்கள். மரணித்தவருக்காக அவர்களுடைய அழுகை இருக்கவில்லை.

அல்ஆகிபா: 154

குறிப்பு: அஃமஷ் (ரஹிமஹுல்லாஹ்) ஹிஜ்ரி 61ம் ஆண்டு பிறந்த தாபிஈன்களில் ஒருவராவார்

எமது முன்னோர்களில் ஒருவர் அவருடைய வீட்டை விட்டு வெளியேறும் போது அவரைப் பார்த்து அவருடைய குடும்பத்தினர் “ஹராமான சம்பாத்தியத்தை விட்டும் எச்சரிக்கையாக இருந்து கொள்ளுங்கள், ஏனெனில் எம்மால் பசியைத் தாங்கலாம், ஆனால் நரக நெருப்பைத் தாங்க முடியாது” எனக் கூறுவார்கள்.

முஹ்தஸரு மின்ஹாஜில் காஸிதீன் (2/16)

இமாம் ஷஃபீ (ரஹிமஹுல்லாஹ்) ஒரு விடயத்தைப் பற்றி கேட்கப்பட்டார். அவரோ “எனக்குத் தெரியாது” என்று கூறினார்.

அப்போது அவரிடத்தில் “நீங்கள் ஈராக் நாட்டின் மார்க்க மேதையாக இருக்கிறீர்கள், “எனக்குத் தெரியாது” என்று சொல்வதற்கு உங்களுக்கு வெட்கமாக இல்லையா?” என்று கூறப்பட்டது.

அதற்கு அவர் “வானவர்கள் (அல்லாஹ்விடம்) (உன்னை நாம் துதி செய்கிறோம், நீ கற்றுத்தந்த அறிவைத் தவிர வேறு எந்த அறிவும் எங்களுக்கு இல்லை) என்று கூறும்போது அவர்களும் வெட்கப்படவில்லையே” என்று பதிலளித்தார்கள்.

அல்பகீஹ் வல்முதபக்கிஹ்: 2/370

அதிகமான நோயாளிகள் மாத்திரைகளின்றியே நிவாரணம் பெறுகின்றனர். ஏற்றுக்கொள்ளப்பட்ட துஆவைக் கொண்டு அல்லது பிரயோசனமான ஓதிப் பார்த்தல் முறையைக் கொண்டு அல்லது உள்ளத்தில் உள்ள பலத்தைக் கொண்டு அல்லது அல்லாஹ்வின் மீதுள்ள சிறந்த நம்பிக்கையைக் கொண்டு அவர்கள் நோய் நிவாரணம் பெறுவர்.

மஜ்மூஉல் பதாவா: 12/563

அறிஞர் இப்னுல் கைய்யிம் [ரஹிமஹுல்லாஹ்] கூறுகின்றார்:

தொழுகை

1.வாழ்வாதாரத்தை பெற்றுத்தரும்

2.ஆரோக்கியத்தை பாதுகாக்கும்.

3.நோவினைகளை தடுத்து விடும்.

4.நோய்களை விரட்டி விடும்.

5.உள்ளத்தை பலப்படுத்தும்.

6.முகத்தை வெண்மையாக்கும்.

7.உள்ளத்தை சந்தோஷப்படுத்தும்.

8.சோம்பேறித்தனத்தைப் போக்கி விடும்.

ஸாதுல் மஆத்: 4/304

தொழுகையில் கண்களை மூடுவது வெறுக்கப்பட்டது என்பதே சரியான கருத்தாகும். ஏனெனில், நெருப்பை வணங்கும் போது கண்களை மூடிக்கொள்கின்ற நெருப்பு வணங்கிகளின் செயலுக்கு இது ஒப்பாகின்றது.

அஷ்ஷர்ஹுல் மும்திஃ: 3/41

நபி ஸல்லல்லாஹு அலைஹி வஸல்லம் அவர்கள் கூறினார்கள்:

உயிர்த் தியாகிகள் ஐந்து பேர்கள் ஆவர்:

1. பிளேக் நோயால் இறந்தவர்

2. வயிற்று(ப் போக்கு போன்ற) வியாதிகளால் இறந்தவர்

3. தண்ணீரில் மூழ்கி இறந்தவர்.

4. வீடு, கட்டிடம் ஆகியவை இடிந்து விழும் போது) இடிபாட்டில் சிக்கி இறந்தவர்

5. இறைவழியில் (அறப்போரில் ஈடுபட்டு) இறந்தவர்.

(புஹாரீ: 2829)

அஷ்ஷெய்ஹ் இப்னுபாஸ் (ரஹிமஹுல்லாஹ்) கூறுகின்றார்:

வாகனங்கள் மோதிக் கொள்வதன் காரணமாக அல்லது தடம்புரள்வதின் காரணமாக இறப்பவர்களும் இவர்களில் உள்ளடங்குவர்.

அவர்கள் இடிபாடுகளில் சிக்கி இறப்பவர்களுக்கு ஒப்பாகின்றனர். இவர்களும் ஷஹீத்களாக இருப்பார்கள் என்று எதிர்பார்க்கப்படுகிறது.

ஆனாலும், வயிற்று வியாதிகளால் இறந்தவர்கள் அல்லது நீரில் மூழ்கி இறந்தவர்களைப் போன்று வாகன விபத்துக்களால் இறந்தவர்களும் குளிப்பாட்டப்பட வேண்டும். மேலும் அவர்களுக்கு ஜனாஸா தொழுவிக்கப்பட வேண்டும்.

பதாவா “நூருன் அலத்தர்ப் (3/1426)